Lirik Nasyid BHENNING Zaujaty (DU ALÈ)

DU ALÈ’

Lagu: Zaujaty (Ahmad Bukhatir)

Lirik: Rosie Jibril

Penashih: K.H.R. Ahmad Azaim Ibrahimy

Koor:

Abâ' cinta dâ' sèttong rèng bini'

Cinta sè saomor odi’

Abâ' cinta narèma bâdâna

Moghâ judhu salanjhângnga

Du alè'...

Bini, kakasèna atè...

Verse #1

Du tang alè' bini sè raddin

Sè ro'omma ro'om durin

Sakalangkong endâ' akabin

Narèma abâ' kakabbhin

Akantha bulân bân bintang

Saterossa akomantan

Abâ' du ta' rassa posang

Sanajjân odi' rang-korang

Chorus #1

Bilâ abâ' mulè alako

Rassa serbek du bân kaso

Èlang sossa dâpa' bengko

Nangalè mèsemma rato

Du alè'...

Bini, kakasèna atè...

Verse #2

Sanajjân odi' sossa bân

Posang rènyarè ènjeman

Mara panangghâma bân

Paèsto du jhâ' angonggo'an

Mara alè' pangastètè

Atirakat dâ' ka lakè

Malar moghâ abâ' ontong

Cinta dâ' bini sè sèttong

Chorus #2

Bilâ èsto dâ' ka lakè

Mogha bungha èkaollè

Tadâ' orèng bini' polè

Sè èkabhântala patè (2x)

Asembagus, 7 Juni 2018